Қазақстанда Қазақстан Республикасы Төтенше жағдайлар министрлігінің Өртке қарсы қызмет комитеті беретін өрт сөндіру автоматикасы жүйелерін монтаждау, ретке келтіру және оларға техникалық қызмет көрсету жөніндегі қызметті жүзеге асыратын ұйымдар үшін міндетті рұқсат енгізілді.

Осыған байланысты elicense.kz порталында «Өрт сөндіру автоматикасы жүйелерін монтаждау, ретке келтіру және техникалық қызмет көрсету жөніндегі қызметті жүзеге асыруға рұқсат беру» автоматтандырылған мемлекеттік қызметі енгізілді.

Рұқсат құжатын алу үшін штатта электр қауіпсіздігі бойынша кемінде ІІІ рұқсат тобы бар кемінде үш маманның болуы, өрт қауіпсіздігі, автоматтандыру немесе электротехника саласындағы бейінді жоғары техникалық білімі (3 жылдан бастап өтілі) немесе техникалық және кәсіптік білімі (5 жылдан бастап өтілі), меншік құқығындағы меншікті/жалға алынған үй-жай мен өлшеу аспаптары болуы қажет.

Қызметті іске қосу Қазақстан Республикасы Төтенше жағдайлар министрлігі Өртке қарсы қызмет комитетінің, Қазақстан Республикасы Төтенше жағдайлар министрлігі Мемлекеттік қызметтер комитетінің, сондай-ақ «Ұлттық ақпараттық технологиялар» АҚ-ның бірлескен жұмысының арқасында мүмкін болды.