Еуразиялық экономикалық одақ Комиссиясының 2010 жылғы 18 маусымдағы № 317 шешімімен бекітілген Еуразиялық экономикалық одақтың кедендік шекарасында және оның кедендік аумағында ветеринариялық бақылауды (қадағалауды) жүзеге асырудың бірыңғай тәртібі туралы Ережеге сәйкес Қазақстан Республикасындағы эпизоотиялық жағдаятты бағалауды ескере отырып, elicense.kz порталында Қазақстан Республикасы Ауыл шаруашылығы министрлігінің (ҚР АШМ) «Е-лицензиялау» мемлекеттік деректер қоры ақпараттық жүйесімен Қазақстан Республикасының «E-Agriculture» агроөнеркәсіптік кешенінің салаларын басқарудың бірыңғай автоматтандырылған жүйесінің» интеграциялық өзара іс-қимыл жасау жолымен орны ауыстырылатын (тасымалданатын) объектілердің экспорты, импорты және транзитіне ветеринариялық рұқсат құжатын беру жөніндегі мемлекеттік көрсетілетін қызмет іске қосылды.

Рұқсат құжатын уәкілетті орган береді және мемлекеттік шекара арқылы жануарлардың және жануарлардан алынатын өнімдердің қозғалысын бақылауға арналған, мысалы:

-тірі ауылшаруашылық және үй жануарлары;

-асыл тұқымды материал (тұқым, эмбриондар);

-ет және ет өнімдері;

-сүт өнімдері;

-балық және балық өнімдері;

-ара шаруашылығы өнімдері;

-жем және жем қоспалары;

-жануарлардан алынатын шикізат;

-биологиялық және ветеринарлық препараттар.

Рұқсат беру құжатының болуы жануарлардың шыққан елде/өңірде қауіпті жұқпалы аурулары жоқ екенін растайды, орны ауыстырылатын объектілер ҚР Ветеринариялық талаптарына сәйкес келеді және оларды әкелу, әкету немесе транзит елдің эпизоотиялық салауаттылығына қауіп төндірмейді.

Көрсетілетін қызметті іске қосу ҚР АШМ, Қазақстан Республикасы Жасанды интеллект және цифрлық даму министрлігінің Мемлекеттік көрсетілетін қызметтер комитетінің, сондай-ақ «Ұлттық ақпараттық технологиялар» АҚ бірлескен жұмысының арқасында мүмкін болды.