Еlicense.kz порталда кірме жолдардың реттеліп көрсетілген қызметін ұсыну үшін пайдаланылатын мүлікпен мәмілелер жасауға келісім беру жөніндегі мемлекеттік қызметті алуға болады.

Осы процесс реттелетін көрсетілетін қызметтерді, оның ішінде кірме жолдарға қызмет көрсету жөніндегі қызметтерді ұсыну кезінде табиғи монополиялар субъектілері пайдаланатын мүлікпен мәмілелердің ашықтығы мен заңдылығын қамтамасыз етуге бағытталған.

Көрсетілетін қызметті автоматтандыру маңызды инфрақұрылым нысандарын негізсіз иеліктен шығару немесе беру жағдайларын болдырмауға мүмкіндік береді. Бұл өз кезегінде тұтынушылар үшін реттелетін қызметтердің сапасын және қолжетімділігін сақтауға ықпал етеді.

Сонымен қатар, кірме жолдар саласындағы реттелетін қызметтерді көрсетуге пайдаланылатын негізгі активтерді басқаруға мемлекет тарапынан бақылау жасалады. Бұл мүмкіндік береді:

1. реттелетін қызметтердің тұрақтылығы мен қолжетімділігін сақтауға;
2. инфрақұрылымды монополияландыру мен теріс пайдаланудың алдын алуға;
3. тұтынушылар мен бизнестің мүдделерін қорғауға.

Осылайша, аталған қызмет елдің көлік-логистика инфрақұрылымын реттеуде және тұрақты дамытуда маңызды рөл атқарады.

Бұл жобаның іске қосылуы Қазақстан Республикасы Ұлттық экономика министрлігінің, Қазақстан Республикасы Жасанды интеллект және цифрлық даму министрлігі Мемлекеттік көрсетілетін қызметтер комитетінің және «Ұлттық ақпараттық технологиялар» АҚ-ның бірлескен жұмысының арқасында мүмкін болды.